2. Sulisinnaasut

Sulisinnaasut tassaapput innuttaasut najugaqavissut inuussutissarsiorfiusinnaasunillu 18-iniit 65-inut ukiullit (2020-mi), suliffilittut imaluunniit suliffissaaleqisutut nalunaarsorsimasut. 2020-mi qaammammut agguaqatigiissillugu sulisinnaasut 26.978-inik amerlassuseqarput, taakkunannga 25.547-t suliffeqarput 1.431-llu suliffissaaleqisutut nalunaarsorsimallutik. Innuttaasut najugaqavissut inuussutissarsiofiusinnaasunillu ukiullit tamakkerlutik 36.763-iupput, takussutissiarli 2.1 malillugu najugaqavissut 18-iniit 65-inut ukiullit akornanni sisamararterutaat 9.785-inik amerlassusillit sulisinnaasunut ilaanngillat.

 

Takussutissiaq 2.1 2020-mi sulisinnaasut najugaqarfinnut agguaallugit

	Sulisinnaasut			Sulisinnaasutut inissisimanngi-tsut	Innuttaasut najugaqavissut katillugit
	Katillugit	Suliffillit	Suliffissaaleqisut
	Inuit amerlassusaat
Nuna tamakkerlugu1   ...	26.978	25.547	1.431	9.785	36.763
Nanortalik .......	702	600	102	324	1.026
Qaqortoq ........	1.468	1.353	115	533	2.001
Narsaq .........	739	673	66	297	1.036
Paamiut .........	576	528	48	252	828
Nuuk ...........	9.791	9.492	299	3.055	12.846
Maniitsoq ........	1.458	1.368	90	525	1.983
Sisimiut .........	3.115	2.955	160	898	4.013
Kangaatsiaq .....	493	434	59	261	754
Aasiaat .........	1.400	1.342	58	630	2.030
Qasigiannguit ....	545	529	16	171	716
Ilulissat .........	2.385	2.317	68	902	3.287
Qeqertarsuaq ....	381	361	20	148	529
Uummannaq .....	1.093	1.073	20	422	1.515
Upernavik .......	1.192	1.162	30	588	1.780
Qaanaaq ........	292	271	21	185	477
Tasiilaq .........	1.158	905	253	498	1.656
Ittoqqortoormiit ...	142	135	7	82	224

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNSTK1

Nalunaarut: 1) Nuna tamakkerlugu kisitsisini kommunit avataanni sumiiffiit ilaapput.

 

Titartagaq 2.2-mi takutinneqarpoq piffissami 2016-imiit 2020-mut sulisinnaasunut nalunaarsuutit marluk; suliffillit aamma suliffissaaleqisut qanoq ingerlasimaneri. Takuneqarsinnaasutut sulisinnaasut suliffilinnit suliffissaaleqisuniillu ukiup ingerlanerani aalaakkaanerusumik inissisimapput. Taamaattoq sulisinnaasut – suliffillit assigalungit – aasaanerani amerlanerpaasarput. 2016-imi 3.kvartalimi missiliorlugu 900-nik amerlanerullutik ikannerpaasimapput, 1.kvartalimi ikinnerpaasimallutik. 2017-imiilli 2020-mut 2.kvartalimi sulisinnaasut amerlanerulerput. Paatsoortoqarnissaa pinaveersaartinniarlugu maluginiarneqassaaq titartakkami uuttuutitut titarneq qummoortoq 21.000-iniik aallartimmat, kiisalu titartakkami suliffillit suliffeqanngitsullu qalipaasersorneri pineqartut qanoq ataqatigiinnerinut takussutissiaanngimmata.

 

Titartagaq 2.2 Sulisinnaasut

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNSTK1

Malugiuk: 1.januaari 2017 aallarnerfigalungu utoqqalinermi soraarnerussutisiaqalersinnaaneq 65-iniit 67-inut ukiulinnut qaffanneqarpoq. 2017-imiit 18-iniit 65-inut ukiullit sulisinnaasutut nalunaarsorsimasut takussutissiarineqartalerput.

 

Titartagaq 2.3 malillugu sulisinnaasut ukiunut immikkoortiternerini takuneqarsinnaavoq 30-t 54-illu akornanni ukiulinni sulisinnaasut amerlassusaat annertunerungaatsiartut. Ukiunilu pineqartuni ukiullit akornanni sulisinnaanngitsutut inissisimasut ikinnerpaallutik. Ataatsimut isigalungu ukiut immikkoortiternerini pineqartuni innuttaasut najugaqavissut 80 pct.-iisa missaanniittut 2020-mi sulisinnaasutut inissisimapput.

 

Titartagaq 2.3 2020-mi sulisinnaasut annerntussusaat ukiut malillugit

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNSTK1

 

Titartagaq 2.4 malillugu najugaqarfiit akornanni sulisinnaasut annertussusaat innuttaasunut inuussutissarsiorfiusinnaasunik ukiulinnut naleqqiullugit assigiinngiiaarput. Najugaqarfimmi Sisimiuni innuttaasut 18-iniit 65-inut ukiullit 77,5 pct.-ii 2020-mi sulisinnaasutut inissisimapput, najugaqarfimmilu Qaanaami innuttaasut 61,2 pct.-iinnai sulisinnaasunut ilaallutik. Nuna tamakkerlugu innuttaasut inuussutissarsiorfiusinnaasunik ukiullit 73,4 pct.-ii sulisinnaasutut inissisimapput.

 

Titartagaq 2.4 2020-mi sulisinnaasut annertussusaat najugaqarfiit malillugit

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNSTK1

 

Sulisinnaasutut inissisimanermi ilinniakkap qaffasissusaa annertuumik sunniuteqartarpoq. Titartagaq 2.5 aamma takussutissiaq 2.6 malillugit ilinniagaq naammassisimasaq qaffasinnerujartortillugu sulisinnaasutut inissisimaneq annertuneruleriartortarpoq.

 

2020-mi innuttaasut inuussutissarsiorfiusinnaasunik ukiullit sulisinnaasutullu inissisimasut missiliorlugu 91 pct.-ii Ingerlariaqqiffiusumik ilinniagaqarput 82 pct.-iisalu missaanniittut Inuussutissarsiornermik ilinniakkamik naammassinnissimapput. Killormoortuanik innuttaasut inuussutissarsiorsinnaasutut inissisimasut qaffasinnerpaamillu Meeqqat atuarfiannik naammassinnissimasut 59 pct.-ii sulisinnaasutut inissisimapput. Innuttaasut inuussutissarsiorfiusinnaasunik ukiullit akornanni qaffasinnerpaaatut Ilinniarnertuunngorniarnermik Qaffassarlunilu pikkorissanermik naammassinnissimasut 67 pct.-ii kiisalu 82 pct.-ii sulisinnaasutut inissisimapput.

 

Titartagaq 2.5 2020-mi sulisinnaasut annertussusaat ilinniagaq qaffasinnerpaatut naammassisimasaq malillugu

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNSTK2

 

Takussutissiaq 2.6 2020-mi sulisinnaasut ilinniakkanut qaffasinnerpaatut naammassisimasanut agguaallugit

	Sulisinnaasut				Sulisinnaasutut inissisimanngi-tsut	Innuttaasut najugaqavissut katillugit
	Katillugit	Suliffillit	Suliffissaaleqisut
	Inuit amerlassusaat
Tamakkerlutik ...................................	26.978	25.547		1.431	9.785	36.763
Meeqqat atuarfiat .................................	13.352	12.173		1.179	7.217	20.569
Ilinniarnertuunngorniarneq ...........................	1.437	1.412		25	679	2.116
Inuussutissarsiornermik ilinniakkat katillugit ...............	6.604	6.425		179	1.257	7.861
- Eqqumiitsuliorneq aamma humaniora ..................	176	169		7	49	225
- Inuussutissarsiorneq, allaffissorneq inatsisilerinerlu  .......	882	867		15	109	991
- Ingeniørinngorniarneq, tunisassiorneq sanaartornerlu  .....	2.273	2.225		48	381	2.654
- Nunalerineq, orpippassualerineq, aalisarneq uumasunullu nakorsaqarneq  ...................................	252	231		21	92	344
- Peqqinnissaq atugarissaarnerlu  .....................	1.574	1.537		37	340	1.914
- Kiffartuussinermi ilinniakkat  .........................	1.346	1.297		49	280	1.626
- Allat  ..........................................	101	99		2	6	107
Qaffassarluni pikkorissarneq .........................	1.150	1.123		27	224	1.374
Ingerlariaqqiffiusumik ilinniarneq .......................	4.437	4.414		23	406	4.843

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNSTK2

 

2020-mi najugaqavissut akornanni sulisinnaasutut inissisimasut 26.978-iusut akornanni 6.425-t inuussutissarsiornermi ilinniagaqarsimapput. Taamaasilluni meeqqat atuarfiattut qaffasissusilimmik ilinniagaqarsimasunut tulliullutik inuussutissarsiornermi ilinniarsimasut amerlanerpaapput. Titartagaq 2.7-imi takuneqasinnaapput sulisinnaasut akornanni inuussutissarsiornermi ilinniarsimasut ilinniarfigisimasaat malillugit.

 

Nunalerinermi, orpippassualerinermi, aalisarnermi uumasunullu nakorsaqarnermiinuussutissarsionermik ilinniagaqarsimasut (assersuutigalungu aalisartunut ikiortut qalulerisullu) 37 pct.-ii 2020-mi sulisinnaasutut inissisimanngillat. Illuatungaani inuussutissarsiornermi Allani ilinniagaqarsimasut (assersuutigalungu IT-mik aqutsinermi ilinniarsimasut) 5,9 pct.-ii sulisinnaasutut inissisimanatik. Taamaattoq takussutissiaq 2.6 malillugu taaneqartut kingulliit ikipput, 2020-mi taamaallaat 101-inik amerlassuseqarlutik.

 

Titartagaq 2.7 2020-mi sulisinnaasut annertussusaat inuussutissarsiornermi ilinniagaqarsimasut akornanni ilinniagaq malillugu

Najoqqutaq: Naatsorsueqqissaartarfiup Kisitsisaataasivia: https://bank.stat.gl/ARNSTK2